靚色唇膏 ＊too cool for school hot girl lip sticker #3

新年前還去左首爾旅行^^有機會要再去多次!~

好啦~我自己本身唔係好識化妝,係因為發覺自己影相果時覺得自己本身無乜唇色 

影相會覺得個咀係白色咁..好似病樣咁...想搵隻唔會好誇張 自然d既顏色!~

所以周圍search 下, 最後搵揀左佢~~~~

too cool for school hot girl lip sticker #3 lady salmon $90

我揀既係3號色 lady salmon

顏色係橙色與粉紅色之間~~隻色真係好靚!

相片可能同實物有點色差~有興趣既朋友可以去門市看看啊^^

包裝係英倫格子 好美~~~~

而且細細枝帶出街都好方便

缺點係真係真係好乾~ 要搽左潤唇膏先再搽

同埋呢枝唇膏係比一般既唇膏較短

不過我覺得呢個問題不大,始終唇膏好難用到落尾 同埋唔會用死一枝架嘛^^

雖然唔係新出既野~

最後再講下其他幾隻色啦~ 呢個系列係有5個顏色~

Instagram: hey_girlstalk
E-mail : ak_632@yahoo.com

潤唇膏之選~~

冬天太乾 唇部總乾燥甩皮 所以潤唇膏很重要!!!!
左起: Etude House Kissful lip Care Essence
         Mentholatum Deep Moist Vitamins
         Maybeline baby lips (Mango flavor)
         EOS 潤唇膏 (蜜桃味)



以上四款 
Mentholatum Deep Moist Vitamins
滋潤度很足夠 睡前塗後 第二日起身都覺得很潤也很保濕
而且扁平形狀挺特別
看!!! 左上角 係已經用到最底 哈哈哈
原本想再回購 但還是想試試Etude House果款而已

Etude House Kissful lip Care Essence
同Mentholatum一樣咁滿意!~
睡前塗後 第二日起身都覺得很潤很保濕 而且味道很讚!~
好香蜜桃味~而且都係無乾燥甩皮~~
另外見到Etude House 仲有另一款係有防曬度數
包裝差唔多樣 有機會都想試埋 
呢款我會再回購~

Maybeline baby lips (Mango flavor)
上年買到依家架啦!~
見到包裝幾吸引 又平 都見唔少人都有推介過
個人覺得春夏天用係不錯的選擇
不過冬天都是覺得滋潤度不足 同埋塗後過左一排會有d乾
另外覺得個蓋有d鬆 有幾次都係擺左係袋
之前拎出黎 見到個蓋甩左 d潤唇膏痴哂其他野度 
麻麻地 不會再回購

EOS 潤唇膏 (蜜桃味)
之前見到報紙推介過 就想試下
但個人認為滋潤度不足 而且會出現甩皮情況
所以都無再用落去 哈  不過形狀幾得意
不會回購了

另外追加一枝 有色潤唇膏~

Maybeline baby lips - Cherry Kiss
見到賣廣告賣得咁行!~而且又見d youtuber 有好評就決定試下啦~
我係見到佢用cherry kiss 用得好靚隻色
sales姐姐話賣哂唔會再返架啦 好似話會停售
搞到我周圍搵 搵左好多間先搵到有呢隻色
同無色既Maybeline baby lips (Mango flavor) 一樣
都係塗後過左一排都係會乾 顏色無我睇youtuber果隻色咁靚 係有d失望...

價錢平 而且合理的 夏天用我覺得OK

Instagram: hey_girlstalk
E-mail : ak_632@yahoo.com

10月敗家購物樂~Part 2!!

哈哈~10月另一篇出來啦~
10月想買既野都買左~ 好滿足!

1.  Naris Up 透明質酸保濕爽膚水 $58 購自千色店 

係之前睇Beauty Youtuber見到有介紹過 咁岩差唔多用哂屋企枝Toner 
行街見到 咁岩見到呢枝 見佢又平又大枝就試下買黎用
呢款Toner 間中用化妝棉敷落面 真係好保濕!!~好正
而且無香料 無色 無精酒 好吸引!~

2. To Cool For School 南瓜睡眠面膜 ~$130 購自To Cool For School

Sales 姐姐話唔同膚質 有唔同用法
我係混合性偏乾  一星期兩至三次
做好哂晚間護膚最後先用呢隻睡眠面膜
搽哂d野都唔會覺得好笠

我自己用左一排覺得都唔錯 第二朝起身唔會係好乾
用多幾個星期睇下再點先^^

 3. Garnier Dark Spot Corrector Correcteur Anti-Taches  $129 購自萬寧
獨自忘記左影 呢個其實都係9月果陣買
用左成個幾月太陽曬無搽防曬果d雀斑
只可以話淡左少少少少~不過面頰位d紅印反而會變返白d
朋友見到都話做左d咩白左既? 真係暗爽 哈哈哈~

另外果d黃印 係之前唔小心氧化左~
不過呢款美白精華完全真空 所以都唔會氧化既^^
會有淡淡地既檸檬味(?) 唔錯架^^
美白精華係呢個價錢黎講而且又大枝 
我覺得可以值得一試^^

4. maybelline Baby Lip Color -CHERRY KISS $29 購自千色店

就是看到了很多廣告 就很想試~
點知周圍都搵唔到Cherry Kiss 呢隻色! 
點知聽Sales姐姐話原來唔再出 周圍賣哂都無架啦
心諗點解仲出咁多廣告........
呢款有色潤唇膏 顯色度我覺得麻麻地 同埋搽無耐都會覺得乾乾地
所以我都會先用無色潤唇膏打底~
5. Innisfree super volcanic pore clay mask $130 購自Innisfree

用了兩次了 這款deep clean mask 很強!!!果然是Super!!
敷了15分鍾再洗 真的是在毛孔內的黑頭粉剌都清光光~
很強啊!!!!真的!!!~而且沒什麼味道 

韓國護膚品牌 我最喜愛innisfree ^^
  
6. Innisfree Free Gift $0 

就是買super volcanic pore clay mask 再新做會員送的迎新禮物^^

7. 廣源良 蘆薈緊緻眼霜 $45 購自SASA

用過菜瓜水覺得很好!!! 所以決定再試下眼霜
緊緻感覺沒感覺到  不過保濕力很不錯~~

早上用的話絕對合適~!!又平又大罐 用很久啦可以!
味道都是有很淡的香味 很舒服~~

8. Kate 三色眉粉 $76 購自SASA

看到很多人大推Kate的眉部化妝品
最近又修左眉 就想學下用眉粉補返d色就買黎試下^^

Instagram: hey_girlstalk
E-mail : ak_632@yahoo.com

10月敗家購物樂啊~Part 1

雖然十月還沒過，但今個月真的買了不少啊~!
這次是月初拍好照片，以為會收手...
但還是再買了其他未拍 所以分開拍就好了

1. Etude House AC Clinic Intense Pink Powder Spot  $140 購自Etude House 



這個一盒三支~ 是etude house 暗瘡系列
 左面是夜邊 右邊是日用
左邊塗後會是粉紅色 右邊塗後是白色
早一陣子面上就長了兩粒暗瘡
塗了兩三天就可以處理掉! 我覺得真的很有用啊!!!
最起碼無茶樹油咁臭同過乾既情況出現
很推介!!!!

2. Batiste Dry Shampoo (fresh) $42 購自龍城
 
這是看到一個台灣blogger曾介紹過 但一直沒看到那還裹有售
某天在龍城看到 就馬上購入
實在太懶的關係 沒動力在早上出門前洗頭髮
如果頭髮太笠時 我覺得用免沖洗的洗髮是很不錯的選擇啊 
這個品牌出了有很多不同味道的 我自己就不太想有太重味道的
所以就選了fresh 這個味道我覺得是像洗髮後 乾淨淡淡的香味 真的不錯!
注意的是不要噴太多!!! 不然就會成頭都是白色粉 
這個噴後再按摩一下頭皮就可以了!~ 很方便!!
可以後背面的圖片教學

3,4.  Etude House OH'MY EYE LINE $38    Lip Care Essence $45  購自 Etude House  


oh' my eye line 還未開封 所以沒什麼評價呢
不過這是因為看到網上評價很高的 就買來試試好了 哈
右面是潤唇膏 味道是桃味 我是很喜歡水果味的潤唇膏^^
 滋潤度很好 早上起床還感覺到很滋潤 很喜歡啊! 冬天用很好

5. Mavala 滲透性硬甲水 $58 購自龍城


自己本身指甲很短而且很薄 總是易斷
就試了這個硬甲水 5ml 每星期用一次 說明書說這支可以用足一年
至今用了三次 塗乾後指甲有即時變硬的效果 最起碼現在留長了指甲都不會好似之前咁脆弱
一直定期塗 我覺得是真的會變堅硬 

注意的是 這個產品含甲醛 使用時去通風的地方塗會較好
呢個牌子 除了滲透性硬甲水還有其他同類產品針對不同指甲問題
我見過SASA 也有 大家都可以去看看

6.  Etude House Mask I NEED YOU, OLIVE Mask $10 購自Etude House


看到新出品的字母Mask 覺得很有噱頭 就想買來試試
我買的是 O字 Olive,  暫時未使用 個人認為這個在較冷的天氣才用會較合適 
畢竟是橄欖成份 滋潤性高的產品
- 含天然保濕成份的橄欖，使乾燥的肌膚恢復光滑水潤的自然保濕面膜。
左邊Pearl Extract mask 是送的 也是還未試

6.  Annecy Ha Rosehip Oil Body Water 400ml $4x 購自 萬寧


Annecy 是萬寧自家品牌 未買返黎時覺得萬記屈記自家品牌的產品質數應該麻麻地
對佢地信任程度不高 不過曾見有個youtuber 介紹過 就試一下啦
這產品含透明質醱 玫瑰果油 且這產品是標榜背部去印及保濕
其實這是我9月已經買了 用了一個多月  
背部有做激光去印再加上用這個 所以不覺得太乾
另外 但沒做激光去印的  手臂和心口都有暗瘡印 
我覺得真係可以去到印 d印係真係淡左! 我用過很多身體去印產品 都沒有它咁明顥
而且很便宜又大枝!!!!! 是400ml !!~雖然效果唔會好快見到 但持之以恆 可以淡到印!
使用方法就是塗上有身上有暗瘡印/整個背部 拍打方式至吸收
而且果日去買果陣 係再兜個圈先比錢時 
有個萬寧姐姐走黎同我講 呢枝真係work 我自已都用到第2枝!~
令我更加非買不可~ 哈哈哈哈
佢仲出左另一隻係只是背部保濕 沒背部暗瘡印問題的sis 有興趣也可以試試果枝^^

手指指甲也要保養~!!

這個用了幾乎兩年
這是我姐推介給我的~
我的指甲好很軟好易斷 指甲邊即使常常塗hand cream都會生倒剌

這個是SkinFood 咖啡牛奶指甲修護霜 10g


曾看過報導說SkinFood的指甲油有問題後,對SkinFood的印象都有扣了不少分
不過還是很想給它機會啦 我很喜歡韓國 特別是k-pop啦 哈哈哈哈
先在網上搬些資料來~ 介紹一下這個產品~

    這是含咖啡精油和香濃牛奶精華，能提供豐富營養，徹底修護指甲周圍肌膚，完美的潤澤感，可提升指緣的保水度及打亮指甲，如同為指甲肌膚戴上隱形小手套，全天 候呵護，不易斷裂、不再粗糙，恢復健康亮澤的美甲。褐色亮澤霜(含咖啡精油)，加上白色亮澤霜(含牛奶蛋白質)，雙色組合就像旋風交錯的圖像，使用時更增添趣味。

‧含咖啡精油成分：咖啡精油中含多酚和必需脂肪酸，可以軟化指甲周圍肌膚，並且可以預防肌膚受到來自外在環境的傷害，讓易變得粗糙的雙手變得健康又有光澤。

‧含牛奶蛋白質：牛奶中的乳酸成分可溫和去除角質，讓肌膚變得淨白明亮，徹底呵護指甲周圍肌膚的健康。

－　使用方法： 取適量以按摩方式輕輕塗抹於指甲周圍肌膚。

好吧 說一下用後感
個人真的很懶 不能堅持每天使用 
不過每次生倒剌 留長了指甲覺得很軟時 都會拿來用
塗上指甲同指甲邊後 會好似有一層東西咁 油油地咁 是真的有滋潤的感覺!~
我塗了兩三天後 都已經覺得有改善 而且倒剌問題都減少 唔會好乾  
不過指甲不易斷裂暫時沒有覺得可以改善到 我諗呢方面要用硬甲油來改善~
味道方法我覺得不會太難接受~ 仲覺得幾好嗅啊 又唔會好濃味~
而且呢一罐真係有排用!! 我用左兩年都係好似無郁過咁 哈哈哈
價錢 無記錯是$8x-9x 大家可以去看看啊~

另外SkinFood之前有出過這個同類型產品 無記錯是 指甲杏仁精華
其實是差不多  不過呢個係有掃頭~
個人覺得呢個設計好好~ 不過擺耐左會變左一舊舊
這個買了超級耐 之前去睇 好似無得賣了~

這個無咖啡牛奶的那個的容量多 所以我還是較喜歡 咖啡牛奶的那個~

Instagram: hey_girlstalk
E-mail : ak_632@yahoo.com

魔法般 柔焦了毛孔~L'oreal Paris Base Magique雪葩細緻底霜

呢次想推介的就是它!!~ L'oreal 雪葩細緻底霜  (不是什麼新產品啦...
誰不想擁有零毛孔美肌呢.....
我嘛....就是常常忍唔住手 總愛自己用暗瘡針清黑頭粉刺暗瘡~
早幾年是每天都是自行針清 真的很爽 
不過久而久之....弄得毛孔粗大還有些暗瘡凹凸洞!!!
後悔也沒用啦......我知道去美容院做機來收細毛孔是最有效
不過價錢暫時負擔不起....就在網絡上搜尋一番~~就認識了這個產品了~~

L'oreal Paris Base Magique 雪葩細緻底霜 15ml
呢個產品我已經用了兩年多...才用了3分1~!

唔好睇佢得15ml好似好少其實可以用好耐!!
用量真的很省~我主要是用來柔焦鼻子和面頰兩旁~
額頭的毛孔其實也很厲害!!不過我額頭總是容易出汗 所以放棄了~

有沒有看到?!!! 細紋,毛孔通通柔焦了!~
另外這個毛孔隱形慕絲 除了柔焦毛孔外,還有控油功效!! 
很適合跟我一樣是混合性的姐妹!
用法就是用手指由上以下,然後不要來回刷啊!~
價錢是一百蚊鬆少少,便宜又明顯遮蓋到細紋毛孔和控油 絕對推介!~
當然~大家緊記落妝要落得乾淨啊  

Instagram: hey_girlstalk
E-mail : ak_632@yahoo.com

碳粉背部去印激光療程小分享~(內有嘔心照)

背部暗瘡印問題好嚴重~又會間中生石頭瘡
搞到個背脊花哂~~係生到落patpat到...搞到自信無哂
用好多產品都唔可以有明顯效果同埋都會過一排又回復之前咁

最後搵到間價錢合理,環境舒適,美容師又nice又好傾~
自己唔會搵集團式果類美容院
因為自己join左某間集團式既,成日都唔同人幫我做,又hard sell,唔理佢又有d黑面
每次去我都幾怕....

好~~我唔記得影未打前 真係唔好意思/口\
呢張係打左第1次之後
請無視d毛毛同埋d毛孔!!! 我會再草錢脫左佢架!~~
可見d印真係好深色 美容師建議我打15次以上先可以清哂
但金錢有限先join10次先^^
 

呢張係遠處影 但只cut返個背脊出黎 可見遠睇都好明顯T^T
 

之後幾次都無影底相做紀錄 唔好意思啊真係~

上面係第4次未打之前
下面係第4次打完之後
 


碳粉激光去印 係可以打到落皮膚底層,而且仲可以防止再生暗瘡同埋減淡d印
我覺得好work,真係有即時明顯效果!!係真係好開心~d暗瘡真係生少左好多 
我打左4次已經無再生d瘡d印真係淡左好多!~ 好神奇!! 背脊都滑左~
我join完呢個療程之後仲join左脫小腿毛毛同埋上次仲join埋脫兩粒墨
佢地d美容療程有好多樣~ so far 我做果3樣我都好滿意同埋真係好效果~!

我建議sis們,如果有同我同樣問題或者有其他療程想做既都可以考慮下呢間試下 
覺得唔岩都係擺底個試做價就走得 又唔會拉實你唔比你走架嘛^^
雖然佢細細間 但有好多唔同種類既美容療程做 真係好唔錯 又唔會話好難book時間
另外佢地有個試做價 平平地用試做價做1次先,再聽下美容師講解下個做法同埋原理再考慮join唔join都唔遲呀
集團式美容院信心係大d,又有代言人 同埋有非常好既服務 例如:專人會比杯水你,洗完手有人比紙巾你之類
呢d優質服務既員工,代言人 都包左落我地做既療程到 自然費用係貴d~

另外~跟開我果個美容師好nice,又靚女!~佢仲比埋佢個私人電話我
佢話 如果我有d咩想問/book時間/想買d咩產品用 whatsapp 比佢睇下岩唔岩我 仲話叫費時我曬哂d錢買d唔work既野黎用^^ 

p.s 等我下次去問下美容師姐姐 睇下可唔可以比我影個療程係點樣 比大家更加了解啦^^

平價爽膚水之選~!

盡管覺得每天要花時間塗呢樣塗果樣好麻煩 
其實習慣後 就成為了生活的一部份 不可缺少
 
爽膚水是洗面後,塗抹面霜前使用的護膚品
而且爽膚水是我們每天護膚的必經程序啊~
我自己暫時只用過三款爽膚水~
因爽膚水一枝大大枝 每天用量都不多 可以用很長時間了~~

首先要說的是 CLINIQUE anti-blemish solutuions - step 2  200ML

呢枝是我回購第3枝了~初時我姐幫我買了這整個系列的產品
真的很不錯啊!!~不過就是deep clean mask果枝對我來說有點乾~只是用來敷T字位就岩岩好!
呢枝講真做第2次清潔是絕對讚!而且有收毛孔功效~
每次用它再抺一次 化妝棉真係會抺到黃色的面部污垢!!挺神奇呀!!
缺點就是它含有酒精成份 嗅都可以嗅得到~
之前唔識野 會日日用 但後來知道會傷皮膚後就會 
係覺得洗完面或者面油立立時用它 就會變得乾淨!~
呢枝佢係分開兩層 一層係透明水狀 一層係類似白色粉狀 用前一定要搖下先倒出來

第2枝 - Joseristine 透明質酸高效爽膚液 A3545-0150  150ML

彩豐行有不少產品都大獲好評~ 
想試用的是因為當時睇到台灣一位blogger 大讚呢枝爽膚水之後
第二日就走左去買~ 說真 個認為效果沒有blogger講得咁好
它真的吸收得很快,清爽唔笠
不過個人覺得鎖水能力不太強~保濕不足
夜晚用我覺得唔太足夠~之後試下朝早用 反而有驚喜!~
朝早用真係唔錯!~而且出街覺得好熱 嘖下面都係個唔錯既選擇!
我自己鍾意倒落個細樽噴落塊面 再輕拍至吸收

拿~我用剩得返咁多多咋~哈

最後~~ 廣源良 菜瓜水! 180ML

網上評價好高 價錢又平又係天然成份 所以就決定買來一試!~
購至萬寧~ 菜瓜水我自己都係鍾意倒落個嘖嘴頭既樽到嘖落面~
無色無味天然成份 係我最鍾意佢既地方~
夏天用我覺得嘖左已經唔會覺得乾 吸收得快 用埋用後好乾爽舒服!
之前見到有youtuber話用埋同牌子既綠豆粉溝來做mask效果好好又平
搞到我都心郁郁想試!~~

大家有好用既爽膚水都可以推介比我啊~
我都想試下唔同既品牌嘛~~

Instagram: hey_girlstalk
E-mail : ak_632@yahoo.com